Rise Africans Newspaper, kuranta ya mathomo ya go dira histori ka go go fa ditaba ka maleme a mane (4) mo kontinenteng ya Afrika, e kgonne go etela Sekgwari sa mmino wa Sepedi – Rap wa go tsebega kudu ka la “Judgement Fire”.
Moshala Phillemon Shadung, o belegwe lefelong la go bitšwa Kalkspruit, Ga – Magongwa, ka bosubelatšatši bja toropokgolo ya Polokwane, Profenseng ya Limpopo ka mo Afrika Borwa ka kgwedi ya December, 15, 1994. A hudugela lefelong la Ga-Thoka, kgauswi le Mankweng, ka ngwaga wa 2000 moo a thomileng Grade R ko Dikolobe Primary School go fihlela a feleletša dithuto ko Mountainview Secondary School.
Ge re mmotšiša gore o thomile neng ka ditaba tša mmino, o rile: ”Ke thomile tša mmino ka 2004 ke le sebini sa mmino wa sedumedi le sehlopa sa go tsebega ka la Hlokwa la Tsela Gospel. Go tloga moo ka 2007 ka dira mmino wa manyalo ke bala Grade 7, ka 2008 ka thoma go ikgokaganya le mafapha a go fapanafapana a mmmino (RNB, Reggae le House) go fihla ke humana mmino o ke go ratang wa PEDI – RAP le Reggae. Ka thoma goba le lerato la go tšweletša (Producer)”.
O tšwetše pele ka gore: “ Ke shomile le batho ba go swana le Dacker (Sebini sa HIP HOP), Nico The Pro, SO Beat, M Dey, Treez, Kay Christy le ba bangwe. Ke ile ka ba le mahlatse go hlakanela sefala le Bricks Ma Brigado, Mapara a Jazz, Richie le C Boy Teanet, Shandesh le Saxophone wa Kasi.”
Judgement Fire o tšweleditše Album ya gagwe ya mathomo ka ngwaga wa 2021, gomme e bitšwa gore “ Take your love”, yona e humanega go audiomack, ( o tsena letlakaleng la website…www.audiomack.com wa nyaka Judgement Fire). Dikoša tša gagwe di ralokilwe go diyalemoyeng tša go swana le Mogodi FM, Moletjie FM, Tshepo FM le Turf FM.
Leetong la gagwe la mmino o ile thopa difoka tše latelago:
1. Trophy – All sorts of awards published by Daily Sun in 2014
2. Gold Medalist story telling at University of Limpopo
3. Best Singing competition (2020)
4. Best Rap Competition (2020)
5. Best Sepedi Song with Mmabatho Song (2020)
6. Best Sepedi African Languages Praise Poems
7. Sepedi Prepared Individual Story Telling Open Section
8. Bronze medalist at Polokwane Municipality Cluster Road Run
Tabakgolo yeo e gogileng Rise Africans Newsapaper mahlo , ke ya mašeleng go tša mmino. “ Ge o rata mmino o seke wa lebelela ona fela ka gore go boima go fihla ko godimo o sena boitshwarello. Nna ke itshwareletše ka kgwebo ya go rekiša mashotša (mopani worms), ditloo, gobane di ratiwa kudu mo setšhabeng le baithuti ba go tsena ko University of Limpopo. Gape ke hlwekišetša batho mekgotha le go foroma ditena gore ke bee borotho mo tafoleng” a realo Judgement Fire.
Molaetša wa gagwe go baswa kudu ba go nyaka go tsenela tša mmino ke gore, go bohlokwa go leka o le motho go feta go palelwa ke go leka (its better to try than doing nothing)
O humanega:
Sellathekeng: 072 314 2879
Letlakala la Facebook: Judement Fire SA
Youtube: Judgement Fire
Instagram : Judgement Fire SA
Tick Tock: King of Vocal
Email Address: moshalajudgenent@gmail.com
Comments